{ BEAUTY }
14 Feb 2018
千其唔好漏咗佢!「下眼影」放大法



好多sis都希望自己雙眼睇落大啲圓啲,一嚟可愛啲,二嚟仲會精神啲~不過唔好只係將重點放係眼線到呀,太粗嘅眼線不單止有反效果,望落仲會好惡架!因此今日教大家嘅大眼術,重點係「下眼影」!





要放大眼睛嚟講,眼影絕對係重要嘅角色,小編亦知道大家對上眼妝畫眼影一啲都唔陌生~但各位平時有冇化開下眼影呢?睇下Pony有畫同冇畫,其實已經差好多架!


幫眼睛放大



要知道眼影係視覺上,對放大眼睛係好有效!道理好簡單,比起只畫眼窩,連同下眼肚位置一齊畫上眼影,就可以有上下放大嘅效果(這不是廢話嗎)!所以千其唔好忘記下眼影呀!



最簡單嘅畫法,可以根據上眼影嘅顏色為主,眼尾位置用較深嘅顏色,而眼頭三分二位置則用有珠光效果嘅眼影,咁就自然得嚟又有放大嘅效果!


小顏效果





當眼睛放大後,視線集中於雙眼位置,五官亦會更集中。因此會有下半臉變細嘅效果架!


自然臥蠶






除咗上述所講嘅下眼影畫法,若然sis你追求嘅眼妝係好似日系可愛造型嘅,亦可以好似日本sis咁,係下眼影位置掃上珠光色眼影,望起嚟眼神就會更迷人更可愛!


Source:instagram_ponysmakeup/instagram_rolaofficial

YOU MAY ALSO LIKE
News
Feature
Blog
Load more
 
NOTIFICATION