{ LIFESTYLE }
23 Aug 2019
【只用微博】「唯唯 」梁競徽宣佈棄用IG/FB 
 香港網友感到可惜!

人稱「唯唯 」嘅梁競徽(即係梁烈唯),不時被網友惡搞指佢有份到「反送中」前線「幫手」,雖然佢澄清過無數次自己無去,但頻頻惡搞搞到唔少網友真係以為有份示威,最後唯唯關閉Instagram同Facebook帳戶。而昨天唯唯透過微博留言表示,「等我話你知~~鑑於有人在 ig 用本人的名義開設假帳號,本人特此通知,本人已經沒有任何ig或FB的帳號!往後亦不會有! 」

 

唯唯此舉被內地網友大讚做得好,紛紛留言話徽徽「好剛」,仲呼籲內地嘅導演甚至出品人,可以俾個機會唯唯參與內地電影,「別老是用流量明星了,多給愛國的香港藝人一些機會啦!」


 

雖然唯唯經常被惡搞,但都無阻佢愛國之心,好似早前適逢八月一日係中國建軍節,佢都有係微博上載紅底白字「81」圖片,並發文話,「在這個特別的日子,送上特別的敬意!」另外,都不時見到佢對內地嘅人民日報post讚好。

 

而且,佢係微博都係用緊內地手機品牌華為上載每一個post,不少內地網友都覺得唯唯真係身體力行,抵抗所有外國社交平台!



News
Feature
Blog
Load more
 
NOTIFICATION