{ LIFESTYLE }
27 Jan 2020
【10集睇完】新年煲咩劇好? 嚴選三套一睇入坑嘅短劇!

2020年無所事事?新一年未搵到劇煲嘅各位,有無曾幾何時覺得空虛寂寞凍呢?唔少人又怕花太多時間追劇好浪費時間,今次小編就推介三套Netflix必追嘅短劇比大家,只要用一日時間就可以一口氣煲哂!

《去X的世界末日》

《去X的世界末日》已經出到第二季,除咗有超高評分外,每集長度亦只有20-30分鐘,相信一至兩日已經可以睇晒一季。故事講述厭世嘅男主角同古怪女主角所經歷嘅亡命旅程,劇情充滿黑色幽默,絕對令人一追上癮!


《黑鏡》

《黑鏡》絕對係唔少人心目中嘅神劇之一,每一集都係獨立故事,所以唔會存在睇上癮,放唔底部手機嘅問題。而《黑鏡:潘達斯奈基》仲有得玩互動式劇情,由你選擇主角條路點行,製作用心,未睇過嘅人絕對不能錯過!



《新世紀福爾摩斯》

由「奇異博士」坐陣嘅英劇《新世紀福爾摩斯》,講述偵探同最信任嘅夥伴,將現身於21 世紀繁華熱鬧嘅英國辦案。而家已經出到第四季,每季得34集,每集約90分鐘,同時被網友稱為質素爆高嘅神劇,成功創下全球超高收視率,絕對係有生之年一定要睇嘅劇集!


News
Feature
Blog
Load more
 
NOTIFICATION