{ LIFESTYLE }
12 Sep 2019
余香凝余潔瀅「姊妹檔」拍Fashion宣傳片 齊齊撞樣搵真銀

影壇新貴余香凝(Jennifer)日前聯同妹妹余潔瀅(Zoe),為時尚品牌拍攝秋冬季宣傳片,首度「姊妹檔」上陣搵真銀,余香凝大叫興奮,更表示由細到大都會跟妹妹靚衫兩份著,難得今次齊為時尚品牌拍攝,感覺別具意義,余潔瀅卻表示跟姐姐合作讓她變得緊張:「佢高過我,總覺得企在佢身邊,好似矮了一節。」兩姐妹心情認真天淵之別。


余香凝透露為了今次拍攝,事前節食減磅:「我哋有互相提點食少些,因為中秋節快到,收到很多月餅,我哋又好鍾意食月餅,每次食都會就住就住,一人一半,唔好失控。」佢地兩姊妹向來公認似樣,當日就連工作人員亦分不清二人,余潔瀅表示:「今朝我戴住帽來到拍攝現場,工作人員話唔敢叫我,因為唔知我係余香凝定余潔瀅!」身旁的余香凝聞言即笑說:「冇所謂啦!叫我咩名我都會認,總之大家知道我哋姓余就得。」

拍攝期間,余香凝與余潔瀅分別以十多個不同形象亮相,當中不乏冬季大褸、西裝連身裙等造型,雖然天氣炎熱,但二人沒有半句怨言。余香凝亦寓工作於娛樂,當工作人員要求她站上「轉盤」拍攝時,貪玩的Jennifer然自我陶醉扮登台開騷,問她是否恨開演唱會?Jennifer言:「之前欣賞完容祖兒演唱會,自己當然都想開,不過好大壓力,我歌又唔夠、功力又唔夠,所以都不敢奢望,有機會先算,有人嚟睇就夠。」




News
Feature
Blog
Load more
 
NOTIFICATION