{ LIFESTYLE }
22 May 2019
史路比迷注意!日本PLAZA超可愛史路比商品

史路比迷嘅銀包準備失守!因為日本雜貨品牌PLAZA最近因應夏天嘅到來,推出咗一系列超可愛嘅史路比造型商品,款款都可愛到唔入手唔得啊!

日本, 夏天, snoopy, PLAZA, 史路比, 小風扇
天氣咁熱,絕對要入手嘅一定係小風扇,如果...上面有埋史路比嘅樣一定會更透心涼㗎姐!呢款有著超可愛嘅史路比大臉同耳仔嘅手持風扇又啱唔啱你心意呢?

日本, 夏天, snoopy, PLAZA, 史路比, 小風扇

除咗有顏值之外,功能上面亦相當實用!風力方面有三級風量可以設定,仲有埋支架畀你放喺枱面慢慢吹,呢款手持風扇只需透過USB充電3-4個小時就可以連續用2~8小時,畀你行到邊吹到邊,係咪好方便呢?

日本, 夏天, snoopy, PLAZA, 史路比, 小風扇

一大班朋友夏天最啱去邊?梗係水上樂園啦!但係想玩又想打卡又驚整濕手機嘅話,就靠史路比同小黃雞防水袋守護你嘅電話啦!

日本, 夏天, snoopy, PLAZA, 史路比, 小風扇

呢樣絕對係史路比最實用最健康嘅聯名商品!日本FINE公司同史路比合作,推出3款唔同造型嘅聯名牙線,唔止可愛,仲分別有薄荷、檸檬同桃三款味道可以揀,夏天梗係要連牙齒都要變得清爽啦XD

日本, 夏天, snoopy, PLAZA, 史路比, 小風扇

超可愛嘅史路比大嘴咬插頭器呢度都有得賣,只能說呢個咬插頭器實在做得太寫實,完全展現到史路比平時好懶咁攤喺度食零食個樣XD

日本, 夏天, snoopy, PLAZA, 史路比, 小風扇

另外仲有食貨們最愛嘅烤麵包煎pan,只要放塊方包喺呢個雙面煎pan 中間兩面烤,就可以烤到外脆內軟嘅多士,重點係兩面都係唔同嘅史路比公仔,真係可愛到唔捨得食啊!

日本, 夏天, snoopy, PLAZA, 史路比, 小風扇

史路比迷們很想要吧~快啲衝去PLAZA官網訂購,帶史路比返屋企啦!

Sources : PLAZA

Text : Ling Chun

YOU MAY ALSO LIKE
News
Feature
Blog
Load more
 
NOTIFICATION