{ LIFESTYLE }
13 Feb 2018
以為實冇死?情人節四大易犯錯誤

聽日係情人節,相信各位有另一半既sis必定十分期待!睇電視電影有好多關於情人節既橋段,係咪照做就可以?其實當中有好多要注意既細節,一錯左就令節日心情大打折扣!



1. 冇book位

遇上大時大節,相信大部份醒目既男朋友或老公都已經book定左心水餐廳。不過根據小編朋友既經歷,其實有唔少大意既男士都忽略左呢一點,以為去到平日食開既餐廳就實冇死.....結果可能搞到冇得食,或者等足成晚。若果覺得另一半係屬於比較粗心既類型,記住提下佢喇!



2. 不專業自製小禮物

窩心既自製小禮物係非常熱門既禮物,唔昂貴又非常窩心。雖然另一半都預左你係唔專頁,不過若果成品甩皮甩骨得太離譜,甚至係使用都有因難,又實在太尷尬喇!若果自問係零手作天份?不如練習多啲先送俾佢,對方必定會被你既誠意感動。



3. 送花一樣有學問

情人節必定要送花?唔一定既〜不過若果男士們選擇左送花,就要注意送花既時間、花既意思同數目既意義!另外,花束既大細都要注意,太細當然顯得寒酸,不過太大既花束就令活動變得非常困難。若果你地既節目係包括行街睇戲,咁咪要捧著一件重物行足半日?



4. 掛住八掛朋友既情人節

情人節令唔少人爭住放閃,仲有唔少朋友會係呢一日公開戀情!不過掛住討論同stalk身邊既朋友,就會令你自己既情人節變得無聊冇質素,失去甜蜜既氣氛。朋友既update,可以留返聽日先睇,珍惜眼前既另一半先最重要!

各位既情人節又準備成點呢?無論你係單身定係有另一半,都祝你有個充實愉快既一日啦!

source: 《分手100次》、《等我愛你》劇照 
YOU MAY ALSO LIKE
News
Feature
Blog
Load more
 
NOTIFICATION