{ LIFESTYLE }
20 Sep 2019
謝安琪相隔3年為ViuTv劇集客串 笑言要用養生Mode工作

久違紅館三年將於下月再開騷嘅謝安琪(kay),連月來都密密為演唱會宣傳,最近佢就為ViuTV處境喜劇《娛樂風雲》客串!數數手指,Kay對上一次拍劇同樣都係3年前嘅TVB劇集《殭》。今次《娛樂風雲》劇情講到Kay為演唱會舉辦了一場大會造型師選拔賽,Error成員郭嘉駿飾演嘅193係眾人鼓勵下參加比賽,希望能把作品帶上紅館。

謝安琪

謝安琪

Kay就透露雖然今次係客串參演,但依舊感到緊張。被問到之後會否再拍劇時,佢就笑言自己年紀「有返咁上下」,要用養生Mode工作,「不過,我仍然期待找到一個能令我心動的劇本。」所以如果想啲kay係螢幕上演出,咁就要等一等喇~

謝安琪

謝安琪

而早前Kay到電台節目《叱咤樂壇》受訪時,就透露今次演唱會會以「心靈」為主題,佢表示早前係休息時起有一個心靈上嘅旅程,「好大膽咁想用紅館呢個地方去講心靈嘅嘢,其實已經好多次想講呢樣嘢,但每次同製作演唱會嘅朋友一講,佢地直接同我講,呢啲概念做細場就得,個個都係咁即刻ban我。」

謝安琪

直到佢同Juno講及此事時,對方就立即同意,仲認為點解一定係紅館開騷就有限制,令Kay相當感激。Kay亦透露就以「心靈」為主題,希望可以藉著一些不開心的事情,坦誠相待,反而會讓某一個階段的人帶來安慰。

謝安琪

謝安琪

News
Feature
Blog
Load more
 
NOTIFICATION