{ LIFESTYLE }
13 Aug 2019
TVB新聞小花金盈離職 被指成為新聞部眾矢之的

因為「反送中」示威活動一直被指立場偏頗嘅TVB,新聞部亦成為箭靶,令士氣低沉!最近就傳出新聞部出現逃亡潮,指有1/3前線記者遞信,有指係因為未能報導真相,而一度因公司立場與網友係IG隔空罵戰嘅主播金盈而登上娛樂版嘅佢,日前就有指已離職!

 

 

報導指,今次金盈離職並非立場不同,而係因個人問題成為新聞部眾矢之的,加上原本任職明珠台新聞主播男友辭職,所以決定離職!而佢更用自己未放嘅假期代替通知期,可即時離開,但去向未明。





上月14日沙田發生警方闖入商場拘捕示威者,有網友就質疑TVB新聞報道偏頗,並到金盈嘅IG留言,佢甚至留言回應網友,「如果你有質疑,你可以讀新聞系做記者,了解更多,中立咁將事實報道出嚟,我認為睇一件事要全面,就係要睇多間傳媒嘅報道。」與網民發生罵戰,因罵戰牽連甚廣,金盈最後將IG留言功能關閉,並轉為私人帳戶。

2012畢業於香港珠海學院新聞系嘅金盈,先後在HKTV及鳳凰衛視擔任新聞主播,不過當時金盈欠缺化妝技巧,曾被網民嘲笑是「女版王祖藍」。




YOU MAY ALSO LIKE
News
Feature
Blog
Load more
 
NOTIFICATION