{ LIFESTYLE }
16 Dec 2019
【全民造星II】《山下見》 歌詞網民勁buy 參賽者Hugo希望聽眾聽完心靈有慰藉

ViuTV選秀節目《全民造星》第二季昨晚就完滿結束,全部參賽者都渾身解數,到比賽第三階段進行個人表演環節時,參賽者Hugo嘅表演就立即受到觀眾熱烈討論。佢就唱出自創歌《山下見》,當中多句歌詞令好多觀眾都聯想到最近嘅反送中運動!

 

 

 《山下見》歌詞有「一次又一次人性嘅災難」、「四面八方素未謀面嘅手足 攀上一座山峯」、「時代力量會不會成功 團結一心不要忘記初衷」。而Hugo唱完歌曲後就講出一句「rest in peace」,而昨晚正正是因反送中運動抗爭者梁凌杰逝世半年嘅日子。

 

其後Hugo受訪時被問到當初寫《山下見》時,係希望每個人返到屋企都可以有首歌支持自己,懷住希望再行之後嘅路,去做覺得應該做嘅事。有觀眾就認為《山下見》歌詞「深黃」,Hugo則表示每個人對歌詞都有唔同角度解讀,因為藝術本身就是你對作品嘅睇法,「如果你覺得首歌喺呢場運動裏面畀到你少少慰藉,或者係小小嘅寄託,咁我覺得係一個幾好嘅願望, 令到大家可以繼續咁行落去。」

 

 

而網友睇完Hugo演出後,紛紛到ViuTV嘅Facebook專頁中,大讚歌曲「正」以及多謝Hugo嘅創作。

News
Feature
Blog
Load more
 
NOTIFICATION