每年近年尾，無綫都會特別揀選重頭劇做台慶劇，原本已經定好播出嘅《堅離地愛堅離地》、《丫鬟大聯盟》同《牛下女高音》，因為「安心事件」無奈直入雪櫃。後來打算用黎頂替嘅 《機場特警》同《殺手》就因為涉及黑警題材而未能播出，係呢種環境下，無綫竟然趁人淡忘「安心事件」，想推翻《牛下女高音》做台慶劇 ！

原本無綫有考慮將台慶劇檔期，比由高海寧擔正嘅 《C9特工》播出。後來又無故有新決定，抽起翻高海寧嘅《C9特工》，反而將檔期留比由「公認小三」黃心穎擔任女主嘅《牛下女高音》！而且內部已經着手籌備宣傳活動，睇黎已經落實咗決定。

得知消息嘅男一張振朗就開心到爆，「鷲哥」吳岱融亦叫觀眾唔好單方面專注發生事嘅朋友身上，支持下其有份參演嘅演員。監製已經表明唔會刪減黃心穎戲份。《牛下女高音》預料將會係10月7日首播，唔想睇到黃心穎嘅朋友仔，記得留意唔好開錯台啦～





source: tvbofficalwebsite