{ LIFESTYLE }
17 May 2019
林峯重返樂壇! 為劇集獻聲唱洗腦主題曲!

事隔多年再拍港劇《PTU動部隊》嘅林峯坦言相當開心,多次表示對劇集寄予厚望,又笑言與好友阿Sa「對到嘔」。不過劇集另一個亮點,就係佢為劇集獻聲,再唱洗腦歌曲,獲網友大讚聽出耳油!過去林峯曾為多套劇集獻唱主題曲,首首街知巷聞,一班巴絲更每隔幾個月就發動攻勢為他平反:「見到依家樂壇,突然好掛住林峯」、「慢歌同快歌都handle到」、「唱live真係好得」⋯⋯如今他再為劇集獻聲,片尾曲《All We Need Is Time》相當洗腦,不少網友直呼懷念,大讚動聽。

林峯

 林峯

首次飾演著制服的PTU警員,林峯感覺光榮,「第一次著住紀律部隊嘅制服,感覺真係唔容易,因為裝備非常之重,尤其是我哋每日著住對boot,又好多追逐戲,拍完之後,令我更佩服佢哋!今次係一次好好嘅經驗,可以感受警務人員嘅日常辛苦;著起套制服,成個人仲挺過著古裝,因為好自然就會有一種責任感、正義感。」自電影《翡翠明珠》後,時隔八年再與阿Sa演情侶,林峯竟笑言「對到嘔」,「舊年可以話對住阿Sa對到嘔,因為舊年又同佢拍咗另一部電影,真係年頭對到年尾!其實又好開心,因為同阿Sa已經相識多年,私底下好熟、好有默契,每次同佢拍攝都好開心。」

 林峯

林峯

相隔五年再演港劇,林峯不但未有生疏,更表示不消幾天已全程投入。「成個製作都喺香港拍攝,見到好多前輩演員,亦有曾合作嘅台前幕後,感覺製作團隊好快已經一條心,我哋基本上埋位幾日,就已經清楚自己要做咩,拍攝過程雖然辛苦,但亦非常開心。」談及最難忘的場面,他就大賣關子,「嘩,都有好多難忘場面,劇入面有好多單元、好多唔同案件,我哋將機動部隊嘅日常濃縮30集入面,觀眾會睇到套劇有好多事發生,好多唔同人物、唔同嘅線同時進行,所以係套節奏明快嘅電視劇,觀感上亦可以俾到你好大衝擊!」

 林峯

林峯

 Source:黃viu煲劇平台

News
Feature
Blog
Load more
 
NOTIFICATION