{ LIFESTYLE }
26 Mar 2020
盧寵茂探訪武漢醫院仍未起行 鄭中基FB狠批:「真係等0感染先去?」

日前內地宣布武漢將於下月8日解封,高鐵到香港嘅車票瞬間賣完,令不少香港市民人心惶惶,認為將會有第三波社區爆發。近日不斷送防疫物資俾市民嘅鄭中基,昨日係facebook出post留言:「插水名醫你行得未呀?可以去願望成真未呀?飛武漢班次4月復航係咪馬上出發呀?定等真係0感染先去呀?」,矛頭直指名醫盧寵茂。





事緣上月有報導指現為香港大學深圳醫院院長盧寵茂,將率領其醫療團隊赴武漢協助當地醫護及病患,人數約共十多人。不過到今時今日,團隊亦未前行,並多次向記者表示每天都盼望盡快帶隊到前線支援,令人質疑。


鄭中基出post之餘更附上幾個hashtag「插水都唔夠喉潛埋水呀」、「啊唔洗去喇飛X晒嚟香港喇」等。早前佢亦聯同慈善機構一齊到處搜羅抗疫物資,好似有口罩同搓手液,送贈基層市民以及老人家,獲不少網友大讚!



News
Feature
Blog
Load more
 
NOTIFICATION