{ LIFESTYLE }
21 Feb 2020
羅鈞滿解釋CSI口罩非飯局得嚟 「與其不停謾罵不如諗下解決困局」

羅鈞滿早前公開一張戴住CSI口罩嘅自拍照後,被公眾質疑點解佢會有CSI口罩,究竟口罩係咪來自日前嘅「警星飯局」?事件令羅鈞滿飽受網民質疑同批鬥,相隔數日後終於發帖澄清,表示口罩並非飯局得嚟。


羅鈞滿今日係IG同Facebook澄清翻「口罩來源」:「12號我戴住CSI口罩去吉隆坡、14號返到香港、16號去食波後飯、17號波後飯嘅片流出,之後就被時空交錯變成『食完波後飯就有得戴CSI口罩上機』。」言行間淨係交待口罩唔係飯局得嚟,但又無交待邊度拎到口罩。


隨後佢又批評網民應該接受唔同立場嘅人:「世界已經好亂,大家都係香港人,與其不斷謾罵,不如諗下方法點解決呢個困局。呢個世界唔係剩係得1同2,冇人會絕對思想或者立場相同,冇需要迫對方成為自己。」似乎想串翻網友小題大造,添煩添亂。不過佢嘅解釋並未得到網民認可,現時依然有唔少人留言質疑佢隱瞞口罩來源:「點解你有CSI口罩!」亦有人支持羅鈞漢,勸佢「清者自清」,行得正企得正唔洗理人咁多。




News
Feature
Blog
Load more
 
NOTIFICATION