{ LIFESTYLE }
23 Aug 2019
譚校長69歲生日希望轟走外來勢力 網民:「個仔又係外國勢力範圍讀書?」

譚詠麟(譚校長)近排過69歲生日,來來回回都食咗近廿餐生日餐,而噚日過正日生日嘅佢,就係微博發咗張食生日蛋糕嘅相,內容就講到今年嘅生日願望係「我們的祖國和家園中國與香港不受外來勢力的影響」,似乎相當有暗示喎!


譚校長, 譚詠麟


譚校長, 譚詠麟

係人都知譚校長非常愛國,之前先同埋網民稱為「九唔搭八」代表嘅鍾鎮濤去撐警大會,就算當時落住雨都堅持撐警不離場。所以今次生日都有孖住鍾鎮濤,佢老婆范姜,仲有好友苗僑偉、戚美珍及曾志偉慶生,場面熱鬧唔再講,粉絲亦都理解譚校長愛港愛國,痛恨外國勢力嘅一片苦心。


譚校長, 譚詠麟

譚校長, 譚詠麟

但最鬼馬嘅係,痛恨外國勢力嘅譚校長,竟然送仔仔去外國留學,至今一直為外國公司做嘢,究竟係想仔仔臥薪嘗膽,忍辱負重咁拎綠卡,定有咩內情唔翻偉大國土定居,就真係不得而知啦!

譚校長, 譚詠麟

譚校長, 譚詠麟

News
Feature
Blog
Load more
 
NOTIFICATION